Sorkar tarlan danin Category 1 a awmte- Ministers, Speaker, Minister of State leh a tlukpui bakah, Dy. Speaker, Adiviser to CM, Vice Chairman, State Planning Board leh Chief Secretary te motor leina tur bithliah car pakhat manah cheng nuai 15 ni thin chu nuai 22 ah a ti sang a, a sanna hi motor pakhat lei thar ah cheng nuai 7 zel a ni.

Category 2 a awm- Principal Secretaries, Commissioners, Secretaries leh a tlukpuite motor leina cheng nuai 12 aia sanglo tura  dan dinglai awm chu cheng nuai 19 a ti sangin, motor leina pakhat zelah cheng nuai 7 tho a tihsan a ni bawk.

Category 3 a awm- Deputy Commissioners, Addl Secretaries, Joint Secretaries, Heads of Departments leh an tlukpui hna chelhte tan cheng nuai 10.50 anih laiin cheng nuai 15 a tihsan a ni a, a sanna hi motor lei thar pakhat zelah cheng nuai 4.50 a ni thung.

Category 4 a awmte-  Pool vehicles leh officer lirthei dawng thei ah cheng nuai 8.50 a nih laiin dan tharah cheng nuai 12 a tih pun a ni a, motor pakhat zel ah cheng nuai 3.50 a tih pun a ni.

Category 5 a awm Police leh Excise leh a dangte duty chhuahna tur motor leina dan dinglai ah cheng nuai 7.50 a nih laiin dan thar ah cheng nuai 10 a tih pun a ni a, a tamna hi motor pakhat lei tharin cheng nuai 2.50 a ni thung.

Category 5 a awm Motor Cycles leh Two Wheelers te leina pakhat tan cheng singriat anih laiin dan tharah cheng nuaikhat a tih san a ni bawk.

Tunhnaia Chief Minister leh Speaker te motor leina kha Office Memorandum hlui leh thara  lirthei leina tarlan aiin sang zawk mahse dan ding lai awm pawhfan chunga lei a ni.